Klubların yeni dünya reytinqi açıqlanıb.

Fanat.Az xəbər verir ki, Beynəlxalq Futbol Tarixi və Statistikaları Federasiyasının (IFFHS) rəsmi saytı vasitəsilə açıqladığı siyahıda Azərbaycan təmsilçilərindən yalnız "Qarabağ" yer alıb.

Ağdam təmsilçisi 301 komandanın sıralamasında 69-cu yerdədir. 143 xala malik "köhlən atlar" ötən ayla müqayisədə 9 pillə irəliləyib.

Ölkə çempionunun UEFA Konfrans Liqasının pley-off mərhələsində rəqibi olan Belçikanın "Gent" klubu 117 xalla 109-cudur.

İlk "3-lük"də müvafiq olaraq "Flamenqo" (Braziliya – 299 xal), "Palmeyras" (Braziliya - 284) və "Liverpul" (İngiltərə - 265) qərarlaşıb.