Malatyada dağılmış binanın dağıntıları altında qalan 4 azərbaycanlı tələbədən hələ də xəbər yoxdur.

Gundem.az xəbər verir ki, bunu Türkiyədə yaşayan azərbaycanlı professor Aygün Attar deyib.

O bildirib ki, tələbələrimizin qaldığı binada iş gecədən səhərə kimi davam edir:

“Binadan çıxarılan meyitlər var, amma bizim tələbələrə aid deyil. Həm də həmin binadan səs gəlməsi xəbəri doğru deyil. Termal kamera istiliyə həssas olduğu üçün bütü canlıların siqnallarını verir, təkcə insan deyil. Tələbələrimizin olduğu binada istiliyə həssas cihazın həyəcan siqnalının verilməsinə səbəb binadan çıxan pişik olub”.

Professor ancaq 100% təsdiqlənən hadisələri çatdırdığını bildirərək bir müddət əvvəl Gündüzün qardaşı Arzumanla da danışdığını deyib:

“Onlar da bizim kimi gözləyirlər”.