Dünyaya cəmi iki faiz işlək beyinlə gələn uşaq ötən altı ildə məşqlərin köməyilə demək olar ki, bu orqanı tam bərpa etmək üzrədir.

Ailehekimiklinikasi.az xəbər verir ki, bu barədə Britaniyanın “The Sun” qəzeti məlumat yayıb.

Bizimyol.info xəbər verir ki, hadisə də Britaniyada baş verib. Uşağın anası Şelli Uoll hamilə olanda həkimlər ona hamiləliyi yarımçıq dayandırmağı tövsiyə etmişdilər. Səbəb isə dölün inkişafdan qalmasıydı. Həkimlər dəfələrlə həm anaya, həm də ataya xəbərdarlıq etmişdilər ki, uşağın onurğa beynində problemlər var və bu üzdən onun yaşamaq şansı, demək olar ki, yoxdur.

Artıq iki övlada sahib olan cütlük həkimlərin məsləhətinə əməl etməmişdi.

“Hesab edirəm ki, gənc cütlüklər bu cür hallarda həkimlərə çox asan tabe olurlar. Bizim isə kifayət qədər yaşımız vardı və pozitiv düşünməyə çalışırdıq. Ona görə də üçüncü övladımız olan Noyuya yaşamaq imkanı verdik”, – deyə ana bildirib.

Doğuşdan sonra həkimlər valideynlərə demişdilər ki, uşaq nə görəcək, nə eşidəcək, nə danışaq, nə də yemək yeyə biləcək. Amma ailə də təslim olmurdu. Uşağı Britaniyadan Avstraliyaya, beyin məşqi mərkəzinə gətirdilər. Zaman keçdikcə Noy başqalarının köməyi olmadan oturmağı, hətta seyfinqlə məşğul olmağı da öyrəndi. Mütəxəssislər saatlarla Noyun beynini məşq elətdirirdilər. Nəticədə üç il ərizndə beynin inkişafı 80 faizə çatdı. İndi uşağın 6 yaşı var, hazırda onun arzusu tam gəzə bilmək və xizək sürməkdir.