Səhiyyə Nazirliyinin Analitik Ekspertiza Mərkəzi paytaxt ərazisində yerləşən bir neçə aptekdən satışı qadağan edilmiş “Diprospan” adlı preparatı rahatlıqla əldə etmək mümkün olduğu barədə yayılan xəbərlərə münasibət bildirib.

Mərkəzin İctimaiyyətlə əlaqələr və kommunikasiya şöbəsinin müdiri Mətin Məcidli Oxu.Az-ın sorğusuna cavab olaraq bildirib ki, “Diprospan” dərmanının satışının qadağan olması barədə məlumat həqiqəti əks etdirmir:

“Firma tərəfindən dərmanı istehsal edən zaman xırda, texniki qüsur edilib. Nəticədə bu ilin fevralın 15-də dərman vasitəsinin topdansatış müəssisələrinə qədər müvafiq seriyasının geri çağırılması qərarı verilib. Artıq topdansatış müəssisələri sözügedən dərmanın müəyyən seriyasını satış üçün apteklərə verməyəcəklər”.

O qeyd edib ki, dərmanın bəzi seriyası geri çağırılıb:

“Qanuna görə, dərman vasitələrinin geri çağırılmasının dərəcə və səviyyəsi var. Birinci dərəcəyə dərmanın şəxsin həyat və sağlamlığına təhlükə yaratdığı və yarada biləcəyi, ikinci dərəcəyə dərmanın şəxsin həyat və sağlamlığına müvəqqəti, müalicə edilən təhlükə yaratdığı və yarada biləcəyi və üçüncü dərəcəyə dərmanın şəxsin həyat və sağlamlığına birbaşa təhlükə yaratmayan hallar daxildir. Burada söhbət dərman vasitəsinin qablaşdırma qüsurları, istifadə təlimatında olan texniki və sair səhvlər daxildir. Dövriyyədə olan yararsız dərmanların geri çağırma müddəti - 24, 48, 72 saat ərzində aparılır”.

02:15

Apteklərdə qanunla satışı qadağan olunan dərmanların satışı davam edir.

Paytaxt ərazisində yerləşən bir neçə aptekdən satışı qadağan edilmiş “Diprospan” adlı preparatı rahatlıqla əldə etmək mümkündür.

Analitik Ekspertiza Mərkəzindən Baku TV-yə verilən açıqlamaya görə, sözügedən dərmanın apteklərdən toplanması qanunvericiliklə tənzimlənir.