Dürüstlük, təmizlik, təqsirsizlik – bütün bunlar bir sözün sinonimidir. Və bu söz bakirəlikdir. Dünyanın bir çox ölkələrində bakirəlik ibadət səviyyəsinə qaldırılıb. Onun ətrafında bütün davranış mədəniyyəti qurulur. Bizim ölkəmiz də istisna deyil. “Tərbiyəli qız bakirəliyini qorumalıdır!”, - Qafqazda belə bir fikir səsləndirilir.
Media.Az xəbər verir ki, bizdə vəziyyət bir az qarışıqdır.
Bir tərəfdən, Azərbaycan şəxsi həyat elementlərinə hörmət edən dünyəvi ölkədir, digər tərəfdən, müsəlman ölkəsiyik və burada nikaha qədər istənilən intim əlaqə günah sayılır. Burada hələ Qafqaz qanı da var, burada qız qaçırma, “qanlı çarşafların” nümayişi, qan düşmənçiliyi kimi məsələlər var.
Vəziyyəti təsəvvür edin: qız bu və ya digər səbəblərdən ərə getmir. O, cinsi istəyini güclü şəkildə boğur, axı toya qədər olmaz... Nəticədə, karyera quraraq və ya evdə oturaraq, tutalım, 35 yaşa çatır. Əlbəttə ki, bu, ölümcül deyil, bir çoxlarının bu yaşda həyatı yenicə başlayır. Ancaq bioloji saatlar gedir.
Və budur, çoxdan gözlənilən toy mərasimi baş tutur. Xoşbəxt ata sevinir ki, onun qızı, onun qüruru bu vaxtadək bakirəliyini qoruyub saxlaya bilib. Qızı atasını, qardaşını biabır etmədi, o, qohumları və qonşularına danışmaq üçün bir səbəb vermədi.
Bəs nəticədə?
Qızın cinsi fəaliyyətinin başlanğıcı necə olacaq? O, sağlam körpə dünyaya gətirə və psixoloji vəziyyətini normada saxlaya biləcək? Axı qızının sağlamlığında hər hansı problem artıq ata üçün qürur məsələsi olmayacaq. Ola bilsin ki, qızının oğlanla nəinki öpüşməsinə, heç əl-ələ tutmasına razı olmayan qətiyyətli ata peşman olacaq. Bəs bu qədər sərt olmaq lazımdırmı? Axı qızın əzab çəkməsi valideylərin də əzab çəkməsi deməkdir.
Bu məsələ ilə bağlı mütəxəssislər nə düşünürlər? Əvvəlcə biz Azərbaycan Tibb Universitetinin ginekologiya kafedrasının müdirinin köməkçisi Nərgiz Şəmsəddinskaya ilə söhbətləşdik.
“Bu, elə geniş məsələdir ki, hətta bu barədə doktorluq dissertasiyası hazırlamaq olar”, - həkim deyib.
Onun sözlərinə görə, 35 yaşadək cinsi həyatdan uzaq olan qadınlar risk qrupuna daxil olurlar:
“Onlarda uşaqlıq fibromioması və müxtəlif şişlər, varikoz və s. ola bilər. Bizə müraciət edən yalnız qadınlar da onkoloji xəstəliklərlə bağlı risk qrupuna daxil olurlar. Bəli, bu cinsi həyatın olmamasının birbaşa nəticəsi deyil. Bu, çox çətindir. Ancaq qadın orqanizminə kişi hormonu vacibdir. Qadın hormonunda estrogenin çatışmaması qadın orqanizminə mənfi təsir göstərir. Çox təəssüf ki, qadınlar bu vəziyyətdə bizə gec müraciət edir və çıxış yolu bu zaman yalnız uşaqlığın və ya digər orqanların amputasiyası olur”.
Həkim bildirib ki, cinsi həyatdan uzaq durmaq qadınları risk qrupuna salır. Anatomik aspektlərlə yanaşı, psixoloji vəziyyət də var.
Seksoloq Təhmasib Cavadzadənin sözlərinə görə, cinsi həyatdan uzaq durma əsas problem kimi insanın həyatında ikinci və ya üçüncü plana keçir.
“Ancaq heç kəsə sirr deyil ki, cinsi narazılıq bir çox psixoloji problemlərin səbəbi hesab olunur. Cinsindən asılı olmayaraq, insan aqressiv və əsəbi olur. Bu, münasibətlərdə çətinliklər yaradır. Bir sözlə, cinsi həyatdan uzaq durma nə kişilərə, nə də qadınlara xeyir gətirmir”, - seksoloq hesab edir.
“Başqa tərəfdən baxaq. Tutalım ki, qadın 35 yaşında ərə gedib. Nə baş verir? Cinsi uyğunsuzluq mümkündür. Bu vəziyyətdə boşanma təhlükəsi daha yüksəkdir. Ancaq elə də olur ki, qadınlarda aseksuallıq inkişaf edir. Cinsindən asılıq olmayaraq, cinsi həyatını yaşamayan insanların masturbasiya tələbatı var. Bu, normadır. Əlbəttə ki, bu, insanın xarakterindən də asılıdır. Bizim cəmiyyətimiz unudur ki, ailə həm də cinsi istəkləri qarşılamaq üçündür. Uşağın dünyaya gəlməsi nəyinsə başa çatması deyil. Mən deyərdim ki, bu, münasibətlərin başlanğıc mərhələsidir”, - T.Cavadzadə bildirib.
Seksoloqun sözlərinə görə, 60 yaşa kimi bakirəliyin qorunması qürur məsələsi deyil:
“Cəmiyyətimizdə insanlar özlərini aldatmaqla məşğuldurlar. Axı mənim sözlərimdən sonra hətta cinsi həyatı yaşayanlar özlərini müdrik göstərməyə çalışacaqlar. Bu insanlara qulaq asanda elə təəssürat yaranır ki, elə bil biz təmiz cəmiyyətdə yaşayırıq. Ancaq belə deyil. İlk növbədə, hər şeyi özünə etiraf etməlisən. Zövqlə yaşamağa çalışın!”, - seksoloq T.Cavadzadə məsləhət görüb.
Bəs əgər bütün bunlar bakirəlik ətrafında önyarğıdırsa və ya kütləvi kompleks yaradırsa?
Bununla bağlı fikirlərini psixoloq Gülşən Rüstəmova bölüşüb:
“Əlbəttə, bu, kompleksdir. Ancaq bizdə bundan xilas olmaq üçün imkan var. Stereotipləri biz yaradırıq, özümüz də onlardan kənarda dayanmalıyıq. Sual isə başqadır: bizə bu stereotiplərdən xilas olmaq lazımdır? Axı bu sual çox vacibdir. Bir çoxlarına bu çərçivədə yaşamaq çox asandır. Bu, əsrlər boyu yaranmış ənənələr və vərdişlərdir. Avropa ölkələrinin ənənələrini qəbul etməliyik? Biz hara inteqrasiya olmaq istəyirik?”
G.Rüstəmovanın sözlərinə görə, hər bir orqanizm fərdidir.
“40 il öz bakirəliyini saxlayan qadın sakitcə uşaq dünyaya gətirə bilər. Vəziyyət fərqli olar. Bu doğrudur, ancaq həqiqətlər var. Freyd baba demişkən, insanın əsas təməli seksuallıqdır. Bəli, bu, fərdi məsələdir. Fərdi qıfıl fərdi açar tələb edir. Və inanın ki, Azərbaycanda boşanmaların əksər hissəsi seksual uyğunsuzluqla əlaqədardır. İnsanlar fərqli səbəblər göstərə bilər.
Düşünürəm ki, cinsi həyatın sirlərini nikaha qədər öyrənmək yaxşıdır, burada yanlış bir şey yoxdur. Başa düşürəm ki, buna görə cəmiyyət məni tənqid edə bilər. İnanın ki, insanlar reallığın gözünə baxmağa hazır deyillər”, - G.Rüstəmova qeyd edib.
Və sonda bildirmək istərdik ki, plastik cərrahla söhbət zamanı məlum oldu ki, bakirəliyini bərpa etməyə çalışan qızların sayı azalmır, əksin əçoxalır. Kiminçünsə maraqlıdırsa, bildirək ki, gimeplastikanın qiyməti 600 manatdan 1200 manatadəkdir.