Günümüzdə demək olar ki, hər evdə rast gəlinən təmizləyici materiallar insan sağlamlığına bir neçə mənfi təsirləri var. Belə ki, bu kimyəvi maddələr böyüklərdə müxtəlif xərçəng növlərinə, sonsuzluq, depressiya, immunitet sistemində zəiflik, yemək davranışı, pozğunluqlar, erkən yaşlanma, uşaqlarda piylənmə, hiperaktivlik, autizm, inkişaf geriliyi və öyrənmə qüsurları kimi problemlərə səbəb ola bilər.

Milli.Az lent.az-a istinadən xəbər verir ki, hazırda bir çox təmizlik işləri üçün mikrofiber bezlərdən istifadə edirik:

Təmizlənəcək səthlərdə yuyucu vasitənin istifadəsini tələb etməyən, az miqdarda su tələb edən və toz, kir, mikrob, bakteriya kimi zərərvericiləri tutan mikrofiber təmizləyici bezlər həqiqətən istifadəyə yararlıdır.

Bəs, bu təmizləyici vasitələr göründüyü qədər təhlükəsizdirmi?

Dosent Ece Harman bu təmizləyici vasitələrin həm xərçəng, həm də hormon pozğunluqları ilə əlaqəsinin hələ də müzakirə edildiyinə diqqət çəkir. Həm təmizləyici parçada, həm də təmizləyici süngərdə olan mikrofiber; Kimyəvi olaraq poliamid, polyester və lifdən ibarətdir. Bu təmizləyici materialların tərkibində olan kimyəvi məhsullar onları metrlərlə uzatmağa və seyreltməyə imkan verdiyi üçün təmizləyici səthin sahəsini genişləndirir və daha effektiv təmizləməyə imkan verir.

Ancaq polyester və poliamid tərkibli məhsullar istehsal edən bir fabrikdə aparılan araşdırmada sonrakı illərdə işçilərdə xərçəng xəstəliyində statistik əhəmiyyətli artım olduğu müşahidə edilib. Həmçinin məlum olub ki, ağciyər, prostat vəzi və dəri xərçənglərinin tezliyində ciddi artım var.