Beynəlxalq alimlər qrupu koronavirusa ən effektli təsir göstərən vitaminin hansı olduğu barədə araşdırma aparıblar.

Milli.Az baku.ws-ə istinadən xəbər verir ki, bu barədə məlumat "Nutrients" jurnalında dərc edilib.

Araşdırmalar nəticəsində C vitamininin koronavirus infeksiyasından ölümlərin üç dəfə azalmasına kömək etdiyi bəlli olub.

Bildirilib ki, C vitamininin istifadəsi koronavirusun səbəb olduğu ağır xəstəlik sayının azalmasına və nəticədə ölümlərin 68 faiz azalmasına kömək edir.

Həmçinin gündəlik 6-24 qram vitamin qəbulu infeksiya halında süni nəfəs cihazında qalma müddətini azaldır.

Tədqiqat müəlliflərindən biri Anitra Karr qeyd edib ki, bədən immun sistemini dəstəkləmək üçün C vitamini istifadə edir, lakin orqanizm C vitamini ifraz edə bilmir.