Şirniyyata olan istək bir çox insan üçün pəhrizin ən çətin hissəsidir. Mütəxəssislər bildirir ki, düzgün seçim etdikdə şirniyyatdan tam imtina etmədən də çəki artımının qarşısını almaq mümkündür.

Milli.Az xəbər verir ki, bunun üçün şəkərli və kalorili desertləri daha sağlam alternativlərlə əvəz etmək kifayətdir.

Şirniyyata sağlam alternativlər:

Meyvələr: Alma, banan, çiyələk, portağal kimi meyvələr təbii şəkər ehtiva edir və şirniyyat istəyini azaldır.

Qara şokolad (70-85%): Az miqdarda qəbul edildikdə həm şirin ehtiyacı ödəyir, həm də uzunmüddətli toxluq hissi yaradır.

Quru meyvələr: Xurma, ərik qurusu və kişmiş şəkər əvəzi kimi istifadə oluna bilər, lakin ölçüyə diqqət etmək vacibdir.

Qatıq və bal-meyvə qarışığı: Şəkərli desertlərə nisbətən daha az kalorilidir və həzm üçün faydalıdır.

Yulaflı ev desertləri: Şəkərsiz, təbii məhsullarla hazırlanan yulaflı şirniyyatlar həm sağlam, həm də doyurucudur.

Mütəxəssislər vurğulayır ki, əsas məsələ porsiya nəzarətidir. Sağlam qidalar belə normadan artıq qəbul edildikdə çəki artımına səbəb ola bilər. Doğru seçim və balanslı qidalanma ilə şirniyyat istəyi zərərsiz şəkildə idarə oluna bilər.