Türkiyənin Van vilayətində Urartu dövrünə aid məbəd tapılıb.

Publika.az xəbər verir ki, maddi mədəniyyət nümunələri Körzüt qalası xarabalıqlarının yerləşdiyi ərazidə aşkarlanıb.

Məlumata görə, aparılan arxeoloji qazıntılar zamanı rizalitsiz (künc çıxıntısı olmayan-red.) məbəd, o cümlədən keramika, zinət əşyaları və sikkələr də gün üzünə çıxıb.

Bildirilir ki, Muradiye qəsəbəsindən 9 kilometr aralıda, Uluşarın qayalıq ərazisində Urartu Kralı Menua tərəfindən inşa edilən qalada 2016-cı ildən bəri ilk dəfə olaraq Mədəniyyət və Turizm Nazirliyinin icazəsi və Van Muzeyinin rəhbərliyi ilə arxeoloji qazıntı işlərinə başlanılıb.

Vurğulanır ki, 2022-ci ilin oktyabrında başlanan qazıntı işləri zamanı 8 metr hündürlüyündə istehkam divarları da aşkar edilib.

Qalıqların tapıldığı ərazidə hündürlüyü 140 santimetr, uzunluğu 8 metr, eni 7 metr olan rizomsuz məbəd, orta əsrlərə aid boyalı və boyasız keramika, otaq-məzar (türbə), Bizans dövrünə aid bilərzik və muncuqlar tapılıb.