Xəbərlər



Asan həzm olunan 8 məhsul
Asan həzm olunan 8 məhsul


İnsan bədəninin bir sıra qida maddələrinə, eləcə də sellüloz, zülal və yağa ehtiyacı var. Lakin bəzi formalarda bu qida maddələri çətin həzm olunur.

Milli.Az qafqazinfo-ya istinadən xəbər verir ki, "MedikForum" portalı bunu nəzərə alaraq, asan həzm olunan məhsulların siyahısını hazırlayıb.

Həmin səkkiz məhsulu sizə təqdim edirik:

Tost çörəyi. Bu çörək adi çörəkdən daha asan həzm olunur, çünki qızartma prosesi bəzi karbohidratları parçalayır. Eyni zamanda, tost çörəyi ürək bulanması və ürək yanmasını azaltmağa kömək edə bilər.

Ağ düyü. Düyü enerji və zülalın yaxşı mənbəyi olsa da, onun bütün növləri yaxşı həzm olunmur. Tərkibində yüksək miqdarda sellüloz olan düyü həzmlə bağlı (diareya, qarın köpü, qaz) problemlər yarada bilər. Ağ düyü həzm üçün daha yüngüldür, ama onu həzmi çətinləşdirən yağlarsız yemək lazımdır.

Banan. İnsanların çoxu bu meyvəni yaxşı həzm edir, amma bilmək lazımdır ki, banan nə qədər yetişirsə, bir o qədər də onun tərkibindəki karbohidratlar şəkərə çevrilir. Bundan başqa, qıcıqlanmış bağırsaq sindromundan əziyyət çəkən insanlar banan yeməməlidir. Bu, onlarda qarın köpü və spazm kimi xoşagəlməz simptomlar yarada bilər.

Alma püresi. Meyvələr sağlam qidalanmanın bir hissəsidir. Onlar qida maddələri və antioksidanatlarla zəngindir. Lakin meyvələrdəki sellüloz bir çox insanlarda həzm probleminə səbəb olur. Qidanın bişirilməsi sellülozu parçalamağa kömək edir və onun həzmini asanlaşdırır. Bu səbəbdən alma püresi çiy almadan daha asan həzm olunur. Üstəlik, alma püresinin tərkibində də müxtəlif növ diareyalar zamanı kömək edən faydalı pektin var.

Yumurta. Qaynadılmış yumurta və yağsız omleti mədə infeksiyasından sağalan insanlar da yeyə bilər. Eyni zamanda, yumurtaların hazırlanmasına diqqət etmək lazımdır. Belə ki, çiy yumurta özündə salmonelladan zəhərlənmə riski daşıyır.

Toyuq əti. Bir sıra mineral və B vitamini qrupu ilə zəngin olan toyuq əti yağsız zülalın mənbəyidir. Bu, orqanizmi bərpa etməyə kömək edir. Bununla belə, onun tərkibində sellüloz yoxdur. Bu, həzmlə bağlı problem yaşayan insanlar üçün yaxşı seçimdir.

Syomqa. Yağ və piy əlavə olunmadan sobada hazırlanmış syomqa çox asan həzm olunan yeməkdir.

Jelatin. Jelatinin tərkibində sellüloz və ya yağlar yoxdur və o, asan həzm olunur. Xəstəxanalar əməliyyatdan sonra xəstələrə tez-tez jelatin desertləri paylayır. Bu məhsulun qəbulu pasiyentlərə susuzluğun öhdəsindən gəlmələrinə kömək edir. Bir qədər şirin jelatin isə insanı enerji ilə təmin edir.
Baxış sayı: 175