Xəbərlər



Güləş üzrə Azərbaycanın ilk dünya çempionu - Aydın İbrahimov
Güləş üzrə Azərbaycanın ilk dünya çempionu - Aydın İbrahimov


Aydın İbrahimov (tam adı: İbrahimov Aydın Əli oğlu; d. 17 sentyabr 1938, Gəncə, Azərbaycan SSR, SSRİ) — Azərbaycan SSR güləşçisi; SSRİ əməkdar idman ustası və əməkdar məşqçisi; "Neftçi" PFK-nın ilk prezidenti (1988-1997).

Fəaliyyəti
1960-cı illərdə idmanın güləş növü ilə peşəkar səviyyədə məşğul olmuşdur.

1988-ci ildə Bakının "Neftçi" komandasının prezidenti vəzifəsinə gətirilmişdir. Onun fəaliyyəti dövründə klub SSRİ çempionatının Güclülər dəstəsinə vəsiqə qazana bilməsə də, müstəqil Azərbaycanın ilk milli çempionatının qalibi oldu, sonra isə daha iki dəfə ölkənin ən güclüsü adını qazanmışdır. 1997-ci ildə bu postu tərk etmişdir.

Bakının "Dinamo" idman cəmiyyətinin üzvü idi.

Görkəmli idmançı 2 sentyabr 2021-ci ildə 82 yaşında Covid-19 xəstəliyindən vəfat etmişdir.

Uğurları
Güləş üzrə 1963-cü il Dünya çempionu;
Güləş üzrə 1966-cı il Avropa çempionu;
Sərbəst güləş üzrə 57 kq çəki dərəcəsində 1964 Yay Olimpiya Oyunlarının bürünc mükafatçısı.
1964-cü il güləş üzrə SSRİ çempionu, 1963-cü il SSRİ gümüş mükafatcısı, 1960 və 1957-ci illər SSRİ bürünc mükafatçısı.
Klub prezidenti kimi futbol üzrə Azərbaycan çempionu (1992, 1996, 1997)
Klub prezidenti kimi futbol üzrə Azərbaycan kubokunun qalibi (1995, 1996)
Baxış sayı: 36