Poliuriya - gündəlik sidik ifrazının artması
4-09-2018, 11:08. Yazar: ailehekimiklinikasi
Poliuriya - gündəlik sidik ifrazının artması.
Fizioloji hallar - daha çox maye qəbulu, sidik ifrazını artıran gida məhsullarının istifadəsi.
Patoloji hallar - nevroz, ödemlərin, transsudatların və eksudatların çəkilməsi, qızdırmadan sonrakı vəziyyətlər, şəkərli diabeti, şəkərsiz diabet
Oliquriya - gündəlik sidik ifrazının <500 ml-dən az olması.
Fizioloji hallar - maye qəbulunun azaldılması, həddən çox tərləmə.
Patoloji hallar - dispepsiya, qızdırmalı hallar, ürək xəstəlikləri, kəskin və ya xroniki böyrək çatışmazlığı, nefroskleroz, xroniki və ya kəskin qaraciyər çatışmazlığı, böyrək xəstəlikləri.
Anuriya - gündəlik sidik ifrazının <50 ml-dən az olması.
Patoloji hallar - kəskin və ya son mərhələ xroniki böyrək çatışmazlığı, böyrək xəstəlikləri (ağır nefritlər), meningit, zəhərlənmələr, sidik yollarının obstruksiyası, nefrolitiaz, ureterolitiaz.
Pollakiuriya - sidiyə getmənin tezləşməsi.
Fizioloji hallar - çox miqdarda maye qəbulu, nevroz.
Patoloji hallar - sidik yollarının iltihabı, soyuqdəymə, sidik yollarının infeksiyası, uretrit, prostatit, vaginit, qıcıqlanmış sidik kisəsi sindromu, sistit, piyelonefrit.
Olakizuriya - sidiyə getmə tezliyinin azalması.
Patoloji hallar - sinir sisteminin patologiyaları.
Dizuriya - ağrılı sidiyə getmə.
Patoloji hallar - vulvovaginit, uretrit, sidik yollarının infeksiyaları, piyelonefrit, nefrolitiaz, ureterolitiaz.
Nikturiya - gecə sidiyə getmənin gün ərzindəkini üstələməsi.
Fizioloji hallar - uşaqlarda 1-2 yaşadək müşahidə edilir.
Patoloji hallar - ürək çatışmazlığı, sistit, piyelonefrit.
Enurez - sidiyi saxlaya bilməmə və ya sidiyə iradəsiz getmə.
Fizioloji hallar - uşaqlarda 1-2 yaşadək müşahidə edilir (lakin 7 yaşadək davam etdikdə heç bir müdaxilə tələb edilmir, lakin 7 yaşdan sonra müvafiq müayinə və müdaxilələr aparılması zəruridir).
Patoloji hallar - sidik yolları infeksiyası və ya iltihabı, qıcolmalar, epilepsiya, kəllə-beyin travması, onurğa beyin travması, meningit, ensefalit və mərkəzi sinir sisteminin digər xəstəlikləri, ağır dərəcəli qızdırmalı hallar.
Geri dön