“Qərbin dəstəyi olmasa, Ukraynada münaqişə bitəcək”-Borrel
4-06-2023, 21:15. Yazar: ailehekimiklinikasi
Avropa İttifaqı (Aİ) xarici siyasət xidmətinin rəhbəri Cozep Borrelin sözlərinə görə, Qərb Kiyevə hərbi dəstəyi dayandırarsa, Ukraynada münaqişə bir neçə həftəyə başa çata bilər.
Elchi.az bu barədə TASS.ru-ya istinadən xəbər verir.
“Mən Ukraynada müharibəni necə bitirəcəyimi bilirəm. Bu, çox asandır. Biz Ukraynaya hərbi dəstəyi dayandırırıq və müharibə bir neçə həftəyə başa çatacaq”, -deyə Borrel Sinqapurda keçirilən “Şanqri-La Dialoq” konfransında çıxışı zamanı bildirib.
Eyni zamanda, Borrel Ukraynadakı münaqişənin necə bitəcəyini dəyərləndirib:
“Qərbin Ukraynaya dəstəyi vacibdir, yoxsa vacib deyil? Əgər vacibdirsə, o zaman biz Ukraynaya hərbi dəstəyi dayandıra bilmərik, çünki biz kapitulyasiya sülhünə çevriləcək, Ukraynanı ikinci Belarusa çevirəcək sülhü istəmirik”, – deyə o, bildirib.
“Məsələ müharibənin bitəcəyi deyil, o müharibəni necə bitirəcəyimizdir”, – deyən Borrel Qərbin Ukraynada sülh istədiyi üçün Ukraynaya hərbi dəstək verməyə davam edəcəyini vurğulayıb.
Geri dön