Risk qrupuna aid olan hamiləlik ana və döl üçün hansı təhlükə yarada bilər?
3-03-2022, 17:54. Yazar: ailehekimiklinikasi
Somatik, sağlam olmayan qadınlar hamiləlik üçün yüksək risk qrupunu təşkil edir.
Oxu.Az xəbər verir ki, bu barədə Səhiyyə Nazirliyinin mütəxəssis-eksperti, həkim-ginekoloq Şəymən Qədimova məlumat verib.
Həkim bildirib ki, yüksək risk qrupuna daxil olan qadınlar hamiləliyi axıra qədər çatdıra bilmir və hamiləliyin ana və döl üçün nəticələri qənaətbəxş olmur:
“Riskli hamiləlik nəinki dölün, eləcə də ananın ölümünə səbəb olur. Hamilələr üçün yüksək risk qrupunu təşkil edən patologiyalara aşağıdakılar aiddir:
Hamiləlik zamanı hipertenziv vəziyyətlər və preklampsiya;
Ekstragenital xəstəliklər və hamiləlik;
Fetoplasentar çatışmazlıq.
Onu da qeyd etmək istəyirəm ki, riskli hamiləlik vaxtında aşkar edilib, qarşısı alınmasa, bu ya dölün bətndaxili ölümünə, ya da xəstə uşağın doğulmasına səbəb olur”.
Geri dön