Qaraciyər sirrozu ilə neçə il yaşamaq olur?
19-11-2023, 18:12. Yazar: ailehekimiklinikasi
Sirroz - qaraciyərin müxtəlif xəstəliklərinin sonuncu, yekun mərhələsidir. Bu zaman qaraciyərdə çapıqlar çoxalır, hüceyrələr zədələnir.
Milli.Az medicina.az-a istinadən bu diaqnozla orta ömür barədə proqnozları təqdim edir.
Kompensə olunmuş, yəni yüngül forma, simptomları uzun illər özünü göstərməyən sirrozda ömür 9-14 il sürə bilir.
Dekompensə formasında artıq əlamətlər görülür, bu zaman qaraciyər köçürülməsi mümkün olmazsa, orta ömür 3-6 il olur.
Ömür müddətinə nə təsir edir:
- Qarın boşluğuna maye yığılması - Assit
- Baş beynin disfunksiyası
- Albuminin miqdarının kəskin artması
- Bilirubin miqdarı
- Qanın laxtalanması
Xəstədə bu əlamətlər nə qədər çoxdursa, yaşama şansı bir o qədər azalır.
Sirroz xəstəsinin ömür müddətini proqnozlaşdırmaq üçün MELD modelindən də istifadə olunur. Burda 3 əsas göstəriciyə baxılır: bilirubin, MHO, kreatinin.
Bu göstəricilər nə qədər çoxdursa, artırsa, ölüm riski bir o qədər yüksəlir.
Xəstəyə necə yardım etməli:
İlk növbədə xəstə spirtli və zərərli içkilərdən tam imtina etməlidir.
Ömrü uzatmaq üçün həyat tərzinə dəyişiklik etmək lazımdır:
- fiziki aktivlik, gimnastika
- Çəkinin normal olması
- Hepatitləri müalicə etmək
- Siqaretdən imtina
- Düzgün qidalanma
- Duzu azaltmaq
- Vitamin və sink qəbul etmək
- C vitamini qəbulundan qaçmaq
- Qanı nəzarətdə saxlamaq.
Geri dön