Təxminən 300 min insanın yaşadığı Almaniyanın Bielefeld şəhərində maraqlı yarışma başlayıb.
Bizimyol.info xarici mətubata istinadən xəbər verir ki, 1993-cü ildən bu yana Bielefeld şəhərinin olmadığı haqqında iddialar səslənirdi.
Şəhərin təbliğat komitəsi bu iddiaları fürsətə çevirmək qərarına gəlib və maraqlı bir yarışma hazırlayıb. Yarışmaya görə Bielefeld şəhərinin olmadığını sübut edə bilən şəxs və ya şəxslər 1 milyon avro mükafat alacaq. 5 sentyabra qədər davam edəcək yarışmada foto, video və ya yazılı olaraq sübut edə biləcək hər kəs 1 milyon mukafat qazanacaq.
Qeyd edək ki, 1993-cü ildə “Bielefeld? Elə bir şey yoxdur” adlı zarafatyana mesajla başlayan iddialar qısa müddətdə ölkəyə yayılmış, ölkədə hələ də bu şəhərin olmadığına inanan, hətta bunu yad planetlilərlə bağlayan insanlar da var.