Xəbərlər



16 illik tədqiqatın nəticəsi - Bu qida insan ömrünü uzadır
16 illik tədqiqatın nəticəsi - Bu qida insan ömrünü uzadır


Çin alimlərinin 16 ildir davam edən tədqiqatı başa çatıb.

Olke.az bildirir ki, alimlərin açıqlamasına əsasən, müntəzəm olaraq balıq yemək insan ömrünü uzadır. "Journal of İnternal Medicine" jurnalındakı məqaləyə əsasən, alimlər 16 il ərzində 240 min kişi və 180 min qadının qidalanmasına nəzarət edib. Sınaqda iştirak edənlər hər gün bir az balıq əti qəbul edib.

Müntəzəm olaraq balıq əti yeyən kişilərdə damar xəstəlikləri 10, qara ciyər xəstəliklərində isə 37% azalma müşahidə edilib. Eyni zamanda balıq əti yeyən qadınlarda "Alzheimer" xəstəliyinə yaxalanma riskinin də 38% azaldığı müşahidə edilib.

Alimlərin açıqlamasına əsasən, müntəzəm olaraq balıq və Omeqa-3 tərkibli qidaları qəbul etmək xərçəng və tənəffüs yolu xəstəliklərindən yaranan ölüm riskini azaldır.

Digər tərəfdən isə qızardılan balığın faydalı xüsusiyyətlərinin bir çoxunu itirdiyi qeyd edilib. Bundan başqa ispanaq, kartof və dəniz məhsullarının tərkibində də Omeqa-3 yağları var.
Baxış sayı: 144